پوهاند مجروح په ۱۹۲۸ د فبروري په ۱۲مه وزېږېد او د شپېتو کالو په عمر په پېښور کې ترور شو. د هغه د علمي کارونو، کتابونو، ژوند او شخصیت په اړه په خپله د افغانانو ترمنځ کم بحثونه او خبرې شوي دي. د فلسفې د یو نومیالي شاګرد او د ژمن روشنفکر په صفت د هغه تجربې او سیاسي ونډه د افغانستان د اوسنیو شرایطو او راتلونکي په اړه مهم ځای لري.
مجروح فلسفي اکاډمي او «انسان» څېړنیز بنسټ په ګډه غواړي د هغه د تلپاتې میراث او کارونو په باب د یوې ځانګړې غونډې په ترڅ کې د خبرو اترو ترڅنګ د هغه په یاد د جوړ شوي فلم ننداره وکړي.
همدا راز به په دې ورځ د مجروح فلسفي اکاډمۍ له خوا د هغه شپږ کتابونه په ډيجیټال ډول د لوستونکو لپاره خپاره شي. «د جبر او اختیار دیالکتیک» د کتاب بشپړه غږیزه بڼه به هم د هغه د ۹۳مې زېږدورځې په مناسبت خپره شي.
ویناوال:
داکتر نورالحبیب نثار
د پښتو ادبیاتو څېړونکی او لیکوال
محمد زرین انځور
لیکوال او په فرهنګي چارو کې د ولسمشر سلاکار
کاوون کاکړ
د کاکړ تاریخ بنسټ اجراییوي رییس
داکتر عمر شریفي
د افغانستان امریکايي پوهنتون استاد
د غونډې په څنډه کې:
- د پوهاند مجروح د ژوند په اړه د لنډ فلم ننداره کول؛
- «د جبر او اختیار دیالکتیک» غږیز کتاب بشپړ خپرول؛
- د پوهاند مجروح د شپږو آثارو ډیجیټل خپرول؛
جمعه، د دلوې ۲۴مه ۱۳۹۹
(د «انسان» څېړنیزې موسسې دفتر، شهرنو – کابل)
له ۲ تر ۴ بجو د ماسپښین
تبصره زیاته کړئ